ढाकोबा डोंगूर

ढाकोबा... आंबोलीच्या दाऱ्याघाटात वसलेलं जुन्नरमधलं एक उंच शिखर
डोंगरातली जंगलं यंगून इथे पोहोचायची मजाच वेगळी असते...!!!
जिथे जीवसृष्टीची वानवा नाही पण मानव वस्ती दूर दूर पर्यंत दिसत नाही...

नारायणेश्वर, पुरंदर

हेमाडपंथी मंदिरे ही महाराष्ट्राच्या सांस्कृतिक इतिहासात महत्वाच्या स्थानी आहेत. शिवाची हजारो प्राचीन हेमाडपंथी मंदिरे आपल्या राज्यात पाहायला मिळतात. यातील मोठ्या प्रमाणातील मंदिरे ही उपेक्षित आहेत. एका अर्थाने हे बरंच आहे. त्यामुळे त्यांची मूळ रचना टिकून आहे आणि बाजारीकरणही झालेले नाही. अनेक मंदिरांना आधुनिक पद्धतीची रंगरंगोटी करून एकप्रकारे विद्रूपच केलं आहे. अनेक गावांत आपले मंदिर किती प्राचीन आहे, याची जाणीवही गावकऱ्यांना नाही. असेच एक मंदिर पुरंदर तालुक्यात नारायणपूर गावात आहे... ते नारायणेश्वर महादेवाचे....!!!
या मंदिरामुळे गावाला हे नाव मिळाले असले तरी, ते कशासाठी प्रसिद्ध आहे हे सर्वाना ज्ञात आहे. कधी पुरंदर किल्ल्याच्या भेटीस गेल्यास इथे नक्की भेट द्या. 

महाराष्ट्राच्या इतिहासातील एक सुवर्णपान : किल्ले देवगिरी

महाराष्ट्राच्या इतिहासातील एक सुवर्णपान औरंगाबादच्या देवगिरी किल्ल्याच्या इतिहासाने लिहिलं गेलंय. आज आपल्या राज्यात बऱ्यापैकी सुस्थितीत असलेला हा एक दुर्ग... किल्ला कसा असावा, याचे एक उत्तम उदाहरण म्हणून देवगिरी किल्ल्याकडे पाहता येईल. आठशे वर्षे अन अनेक लढाया पाहिलेल्या ह्या छोटेखानी दुर्गात अनेक रहस्ये दडली आहेत! परकीय आक्रमकांनी या किल्ल्याचे नाव कालांतराने बदलल्याने सध्या तो बहुतांशी त्याच नावाने ओळखला जातो.
नाशिकहून पहिल्यांदा औरंगाबादला आलो तेव्हा प्रथमच हा दुर्ग नजरेस पडला होता. तेव्हा देवगिरी किल्ला हाच, याची माहिती मात्र नव्हती. कालांतराने गेल्या चार-पाच वर्षांत त्याबद्दलचे आकर्षण अधिकच वाढले. या काळात त्याचे जसे वर्णन ऐकले होते तसाच हा किल्ला आहे. इतिहास डोळ्यासमोर ठेवून तो एक किल्ला म्हणून पहिला तर अधिकच भावतो. कधी औरंगाबादला गेलात तर देवगिरी किल्ला नक्की पाहा... स्वच्छ नजरेने!

मानमोडी उन्हाळ्यातलं

प्राचीन संस्कृतीच्या सर्वात मोठ्या पाऊलखुणा म्हणजे लेण्या होय. इतिहासात रमण्यासाठीचे हे एक ठिकाण आहे. जुन्नरच्या दोनशेक लेण्यांपैकी सर्वाधिक लेण्या ह्या मनमोडीच्या डोंगरावर आहेत. त्यांचे तीन गट पडतात. पावसाळा असो व उन्हाळा, ह्या लेण्या तितक्याच मोहक भासत आहेत. मानवी सहवासापासून काहीश्या आडबाजूला पडलेल्या लेण्या शांततेची अनुभूती देतात.