हरणटोळ हा झाडांमधून वस्ती करणारा साप होय. तो पूर्णपणे झाडावरच राहतो. त्याची माहिती व चित्र केवळ पुस्तकात पाहिली होती. परंतु जुन्नरच्या माळरानांवरील झाडीमध्ये त्याचे पहिल्यांदाच दर्शन झाले. नाणेघाट परिसरातील एका झाडावर भक्ष्याच्या शोधार्थ तो दृष्टी लावून बसला होता. भिंतीवरची पाल अशी एक तिच्या भक्षाकडे नजर लावून बसलेली असते, तसाच त्याचा पवित्रा दिसून आला. तीक्ष्ण नजर, वखवखणारी जीभ, हिरवट रंग आणि फार फार तर एक मीटर लांबीचा तो हरणटोळ झाडांच्या तीन-चार फांद्यांवर विस्तारलेला दिसला. आमची चाहूल त्याला कदाचित लागली नसावी. झाडाच्या खाली वाकून जाताना तो मला दिसला. मग मी रस्ता बदलला. झाडाला वळसा घालून पुढे आलो. एक साप इतक्या जवळून पहिल्यांदाच पाहिला होता.
पहिल्या फोटोमध्ये झाडात तो बिलकुल दिसून येत नाही. सर्वात महत्त्वाचं म्हणजे हा साप बिनविषारी आहे!
पहिल्या फोटोमध्ये झाडात तो बिलकुल दिसून येत नाही. सर्वात महत्त्वाचं म्हणजे हा साप बिनविषारी आहे!
